पक्राउ परेका कोहलीलाई १४ दिन हिरासतमा राख्न आदेश

मनोरंजन

बलिउड कलाकार अरमान कोेहलीलाई ड्रग्सको मुद्दामा मुम्बइको एक अदालतले १४ दिनको लागि न्यायिक हिरासतमा राख्न आदेश दिएको छ । अरमानको साथमा ड्रग्स भेटिएपछि उनलाई नारकोटिक्स कन्ट्रोल ब्यूरोले गिरफ्तार गरेको थियो । प्रहरीले कोहलीको घरमा छापा मार्दा १.२ ग्राम कोकीन भेटिएको थियो । कोेहलीको बैङ्क ब्यालेन्सको पनि छानबिन गरिने बताइएको छ ।

अरमान कोेहली, ड्रग पेडलर अजय राजूलाई समेत पक्राउ गरेपछि प्रहरीले उनीहरुको सम्बन्ध अन्तरराष्ट्रिय ड्रग सिन्डिकेट तथा प्रोस्टिट्यूशन र्याकेटसँग पनि रहेको फेला पारेको छ ।
प्रहरीले उनीहरुविच ड्रग्स खरिदको बिषयमा भएको कुराकानी समेत बरामद गरेको छ ।

यो पनि पढ्नुहोस
‘उचाई’को छायांकनका लागि अनुपम, बोमन र परिणिती नेपाल आउँदै

चलचित्र ‘उचाई’को छायांकनका लागि करिब ४० दिनको सुटिङ सेड्यूल लिएर निर्देशक सुरज बर्जत्यसहितको टोली नेपाल आउने भएको छ । उनीहरु, अक्टुबर महिनामा नेपाल आउन लागेको भारतीय मिडियाले उल्लेख गरेका छन् ।

यो चलचित्रमा नायक अमिताभ बच्चनको पनि मुख्य भूमिका रहनेछ । तर, नेपालको हिमाली भेगमा यो चलचित्रको छायांकन हुने भएकाले उनी नेपाल नआउने नेपालका लागि चलचित्रको व्यवस्थापनको जिम्मा सम्हालेको थ्रि ह्रिवलर्सका प्रमुख सुरज आचार्यले जानकारी दिए ।

उनले भने–‘यही चलचित्रका लागि म केही पटक मुम्बई पुगेर फर्किएकी छु । अमिताभ बच्चन दमको रोगी भएकाले पनि उनको परिवारले चिसो ठाउँमा छायांकनका लागि पठाउन मानेन । यसैले, अमिताभ बच्चन बाहेक अन्य टिम नेपाल आउनेछ ।’

चलचित्रका लागि मुख्य कलाकारहरु बोमन इरानी, परिणिती चोपडा, अनुप खेर, निना गुप्ता लगायतका कलाकार नेपाल आउनेछन् । उनीहरु, करिब ४० दिन नेपालमा बस्ने सुरजले जानकारी दिए । चलचित्रको छायांकन लाङटाङ, मनाङ, मुस्ताङ, सगरमाथा आधार शिविर लगायतमा हुनेछ ।

चलचित्रले मित्रताको कथा भन्नेछ । चलचित्रको लागि छलफल गर्न केही समय अगाडि निर्देशक सुरज बर्जत्य नेपाल आएका थिए । उनी, करिब २ साता नेपाल बसेर मुम्बई फर्किएका थिए । यो चलचित्र निर्देशक सुरजको लागि विशेष छ । यो चलचित्रले मित्रता र परिवारको कथा भन्नेछ ।

Leave a Reply

Your email address will not be published. Required fields are marked *