आफ्नै बुवा आमाविरुद्ध चर्चित अभिनेता थलापति विजयले दिए उजुरी

मनोरंजन

एजेन्सी, ४ असोज । साउथ फिल्मका चर्चित अभिनेता थलापति विजय फेरी चर्चामा आएका छन् । अभिनेताले आफ्नो बाबु आमासहित ११ जनाबिरुद्ध उजुरी दिएका हुन् । उजुरीमा विजयले ११ जना मानिसहरुलाई भेट्न नदिन समेत आग्रह गरेका छन् । उनका फ्यान फलोइंग धेरै छन् ।

अंग्रेजी वेबसाइट टाइम्स अफ इन्डियाको अनुसार विजयका पिता चन्द्रशेखरले उनको नाममा २०२० सालमा राजनीतिक पार्टी अल इन्डिया थलापति विजय मक्कलको घोषणा गरेका थिए । अभिनेताका पिताले आफ्नो छोरा पनि चाँडै नै राजनीतिमा आउने दाबी गर्दै आएका थिए ।

तर, बिजय अब भने पिताको विरुद्धमा जादैछन् । यसबारेमा उनले आफ्नो भनाई पनि जारी गरेका छन् । विजयले बयानमा पिताको राजनीतिक पार्टीमा आफ्नो प्रत्यक्ष वा अप्रत्यक्ष कुनै पनि रुपमा सम्बन्ध नरहेको स्पष्ट पारेका हुन् । उनले आफु पिताको बाध्यकारी आकांक्षाको पालना गर्न अब बाध्य नभएको पनि उल्लेख गरेका छन् ।

यदि आफ्नो फोटो कुनै राजनीतिक दल वा क्लबले प्रयोग गरेमा कारवाही गर्ने समेत चेतावनी दिएका छन् । उनले आफ्नो फोटो र नामको दुरुपयोग गर्नेहरुलाई प्रतिबन्ध लगाउन समेत माग गरेका गरेका छन् ।

फिल्म क्षेत्रका यी कलाकारहरु विभुषित

काठमाडौं, ४ असोज । संविधान दिवस २०७८ को अवसरमा सरकारले विभिन्न क्षेत्रमा योगदान दिएका व्यक्तिहरुलाई विभुषित गर्ने घोषणा गरेको छ । मन्त्रिपरिषदको सिफारिसमा विभिन्न क्षेत्रमा आबद्ध ९०३ जनालाई मानपदवी, अलंकार र पदकबाट राष्ट्रपति विद्यादेवि भण्डारीले विभुषित गर्ने भएकी हुन् ।

यसमध्ये सबैभन्दमा ठुलो मानपदवीका रुपमा नेपालरत्न सन्त नेता तथा पुर्वप्रधानमन्त्री स्व. कृष्णप्रसाद भट्टराईलाई प्रदान गरिने भएको छ । स्वर सम्राट नारायण गोपाललाई महाउज्जल राष्ट्रदीप र गीतकार कालीप्रसाद सुप्रबल जनसेवाश्री समान घोषणा गरिएको छ ।

चलचित्र क्षेत्रतर्फ पनि प्रबल जनसेवाश्रीबाट निर्देशक तथा कलाकार दीपाश्री निरौला, प्रकाश घिमिरे, रमेश बुढाथोकी, हेमन्त बुढाथोकी र नवल खड्का र गौरी मल्ल विभु्षित हुने भएका छन् । जनसेवाश्री बाट नायिका केकि अधिकारी, नायक अनमोल केसी, मिलन चाम्स, राजकुमार राई बिभुषित हुँदैछन् ।

नेपाल रत्न एक जनालाई, राष्ट्र गौरव दुई जनालाई, महाउज्ज्ल राष्ट्रदीप प्रथम श्रेणी पाँच जनालाई, सुप्रसिद्ध प्रवल जनसेवाश्री प्रथम श्रेणी पाँच जनालाई, उज्ज्वल कीर्तिमय राष्ट्रदीप द्वितीय श्रेणी एक जनालाई, प्रसिद्ध प्रवल जनसेवाश्री द्वितीय श्रेणी २४ जनालाई, सुकीर्तिमय राष्ट्रदीप तृतीय श्रेणी ३९ जनालाई, सुप्रवल जनसेवाश्री तृतीय श्रेणी १६१ जनालाई, कीर्तिमय राष्ट्रदीप चतुर्थ श्रेणी आठ जनालाई, प्रवल जनसेवाश्री चतुर्थ श्रेणी ३१९ जनालाई र जनसेवाश्री पञ्चम श्रेणी १९० जनालाई प्रदान गरिने राष्ट्रपतिको कार्यालयले जनाएको छ ।

Leave a Reply

Your email address will not be published. Required fields are marked *