मिस्टर इन्डियाद्वारा आत्महत्या प्रयास, अभिनेता साहिल खानमाथि लगाए विभिन्न आरोप

मनोरंजन

मिस्टर इन्डिया तथा बडी बिल्डर मनोज पाटिलले आत्महत्याको कोसिस गरेका छन् । मनोज पाटिल हाल कूपर अस्पतालमा भर्ना छन्, उनको उपचार भइरहेको छ । मनोज पाटिलले एक सुसाइड नोट लेखेको भारतीय सञ्चार माध्यमले बताएको छ । यसमा उनले अभिनेता साहिल खानमाथि विभिन्न आरोप लगाएका छन् ।

८ सेप्टेम्बरमा मनोज पाटिलले साहिल खानविरुद्ध ओशिवारा प्रहरी स्टेशनमा एक लिखित ऊजुरी दर्ता गरेका छन् जसमा साहिल खानले आफूलाई तनाव दिइरहेको उनले लेखेका थिए । तर प्रहरीले कुनै कारवाही अघि नबढाएपछि उनले बुधबार राती निद्राको औषधी खाएर आत्महत्या गर्ने कोसिस गरेको जानकारीमा उल्लेख छ ।

आत्महत्याको प्रयास भइरहँदा परिवारले भेटेपछि उनलाई मुम्बईको कूपर अस्पतालमा भर्ना गरिएको छ । चिकित्सकका अनुसार उपचाररत उनको स्वास्थ्य अवस्था स्थिर छ । मनोजले बुधबार राती आफ्नो जीवनको अन्त्यको प्रयास गरेका थिए । जसका लागि उनले औषधि खाएका थिए ।

‘म मिस्टर ओलम्पियामा सहभागिताको लागि प्रयासमा छु । तर साहिल खानले मलाई पटक पटक प्रताडित गरिरहेको थियो । उनले मलाई यो प्रतियोगितामा सहभागिता नजनाउन दबाब दिइरहेका थिए । उनी बिना कारण नै मलाई सामाजिक सञ्जालमा बदनाम गराइरहेका थिए’, उनले सुसाइड नोटमा लेखेका छन् ।

यो घटनाबाट मनोजको परिवार र उनका साथीहरु दुःखी बनेका छन् । उनीहरुले मुम्बईको ओशिवारा थानामा उजुरी दर्ता गराएका छन् ।

मनोजको परिवार चाँडै नै यो घटनालाई लिएर मनसे अध्यक्ष राज ठाकरेसँग भेट्ने तयारीमा छन् ।

Leave a Reply

Your email address will not be published. Required fields are marked *