आज दर खाने दिन : यसरी बनाउनुहोस् मीठो दर

जीवनशैली

काठमाडौं । हिन्दू नारीहरुको महत्वपूर्ण चाड हरितालिका तीजको आजबाट सुरु भएको छ । तीजको पहिलो दिन आज दर खाने प्रचलन रहेको छ । भोलि व्रत भएकोले दिउँसोभरि नाचगान गर्दै नारीहरुले पीडा पोख्दा चर्को घाममा उनीहरुलाई समस्या नहोस् भनेर दर खाने प्रचलन रहेको छ ।

हरितालिका तीजको अघिल्लो दिन दर खाएर भोलिपल्ट व्रत बसी पूजाआजा, नाचगान तथा दिदीबहिनी भेटघाट गर्ने चलन छ । काठमाडौं उपत्यका लगायत शहरी बेगमा भने एक महिना अघिदेखि तीजको रमझम सुरु हुने गर्छ ।अहिले भने विश्वव्यापी महामारीको रुपमा फैलिएको कोरोना भाइरसको उत्पन्न विषम परिस्थितिका कारण तीजको चहलपहलमा कमि आएको छ । कोरोनाले निम्त्याएको महामारीका कारण पछिल्लो समय विगतका वर्षहरुमा जस्तो तीजको रौनकता नदेखिएको हो ।

तर स्वास्थ्य मापदण्ड पनि दिदीबहिनीहरु एकै ठाउँमा भेला भएर तीजलाई रमाइलो बनाउन सकिन्छ । तीजमा दिदीबहिनीहरु एकै ठाउँमा भेला भएर नाँचगान गर्नुको मज्जा नै छुट्टै छ । आज हामी तपाईहरुलाई तीजमा मिठो दर कसरी बनाउने सोबारे जानकारी दिन गइरहेका छौँ ।

दर के हो ? कसरी पकाउने ?
तीजमा पकाइने दर एक विशेष प्रकारको दूधजन्य खाना हो । आफ्नो इच्छा र चाहनाअनुसार अन्य समयमा खाए पनि हरितालिका तीजको पहिलो दिन भने ‘दरखाने दिन’ कै नामले प्रख्यात छ ।
यसरी बनाउनुस् मीठो दर
आवश्यक सामग्री
(१) चामल (आवश्यकताअनुसार, परिवार सदस्यको आधारमा निर्धारण गर्नुहोस्)२) दूध (आवश्यकताअनुसार, चामलको मात्रा हेरेर, लगभग आधा केजी चामलबराबर ३ लि.)(३) घ्यू (तयार गरिएको चामल भुट्न पुग्नेगरी)(४) मरमसला (नरिवल, काजु, बदाम, छोकडा, ल्वाङ, सुकमेल, मरिच, जाइदानो जाइफलको धुलो)(५) चिनी (आवश्यकता र स्वादअनुसार)(६) कराइ (उपलब्ध भएसम्म किटको नत्र अलि बाक्लो पिँध भएको ठूलो कराइ)(७) काक्रोको अचार(८) आलु र करेला तथा बोडीको तरकारी

पकाउने तरिका
(१) कराई राम्रोसँग तताउनुहोस् ।(२) तातेको कराइमा घ्यू राख्नुहोस् ।(३) घ्यू राम्रोसँग ततेपछि चामल राख्नुहोस् ।(४) सानो आगो पारेर चामललाई राम्ररी खैरो हुने गरी भुट्नुहोस् ।
(५) चामल खैरो भइसकेपछि घ्यूबाट छुट्याएर कुनै भाँडामा खन्याउनुहोस्, चामल डढ्न नदिनुहोस्, कराइलाई आगोबाट निकाल्नुहोस् र सेलाउन दिनुहोस् ।

(६) यो समयमा आवश्यक मरमसला तयार गर्नुहोस् । स्वादअनुसार नरिवल, काजु, बदाम, छोकडालाई कोरेसोमा कोरेर वा मसिनो गरी काटेर तयार गर्ने । ल्वाङ, सुकमेल, मरिच, जाइदानो (जाईफल) लाई भने पिसेर धुलो बनाउने ।(७) निकालेको चामल सेलाई सकेपछि पुन कराईमा राखेर आगोमा बसाउने ।(८) अब दुध आवश्यकताअनुसार राख्ने र राम्रोसँग चलाई रहने ।

(९) दुध सुक्न लागेपछि चिनी राख्ने र राम्रोसँग चलाउने । (चिनीलाई दूध सुक्न नपाई कहिले पनि नहाल्नुहोस् यसो गर्दा चामल डढ्छ)
(१०) अब तयार गरेको मरमसला सबैतिर पुग्नेगरी माथिबाट छर्नुहोस् र राम्रोसँग चलाउनुहोस् ।
(११) दुध राम्रोसँग सुकिसकेपछि कराईलाई आगोबाट निकाल्नुहोस् । केहीबेर सेलाउन दिनुहोस् तर नछोप्नुहोस् ।
(१२) अब दर तयार भयो आवश्यकता र उपलब्धताअनुसार तरकारी र अचार राखेर खानुहोस् । एजेन्सी

Leave a Reply

Your email address will not be published. Required fields are marked *