एमालेसँग काँग्रेस लड्न डराएको छ तर माधव नेपालको प्युसो लड्ने सपना देख्छ- ओली

राजनीति समाचार

पोखरा । नेकपा एमालेका अध्यक्ष केपी शर्मा ओलीले वर्षौं पुरानो पार्टी कांग्रेसले एमालेसँग चुनाव लड्न आँट नगरिरहेको भए पनि भर्खरैको माधव नेपालको पार्टीले आफूहरूसँग मुकाबिला गर्ने सपना देखेको भन्दै व्यंग्य गरेका छन् ।

मंगलबार पोखरामा आयोजित एमाले भेलालाई सम्बोधन गर्दै ओलीले चुनौती दिए, ‘कांग्रेस हामीसँग लड्न आँट गरिरहेको छैन, माधव नेपालको पिउसो उम्रिन पाएको छैन, एमालेसँग मुकाबिला गर्ने सपना देख्छ ।’

ओलीले एमाले सरकार र एमालेविरुद्ध पासो थाप्ने काम भएको र त्यसको अगुवाइ माधव नेपालले गरेको आरोप लगाए। ‘विभिन्न खालका काम भए नेकपा एमालेको सरकार ढाल्नला कागि,’ उनले भने, ‘यस देशमा लोकतन्त्र राम्रोसँग चल्न नदिनको लागि एमालेविरुद्ध चारैतिरबाट पासो थाप्ने काम भयो । त्यसको अगुवाइ माधव नेपाल भन्ने एकजना व्यक्तिले आगडि-आगडि हिँडेर गरे।’

उनले प्रदेश-प्रदेश सरकार ढाल्न माधव नेपाल लागेको पनि आरोप लगाए । ओलीको थप टिप्पणी छ, ‘माधव नेपाल ब्रिगेकामात्रै होइन, पतन भइसके । माधव नेपालबिनाको एमाले अब राम्ररी अगाडि बढ्छ ।’

ओलीले आफू नेकपाको अध्यक्ष र प्रधानमन्त्री हुँदा पनि माधव नेपालले आफूलाई देख्न नसकेको उल्लेख गरे ।ओलीले संसद्ले काम गर्न पनि नसक्ने र बच्न पनि नसकेपछि आफूले दुइपटकसम्म संसद विघटन गरेको दाबी गरेका छन् । आफूले आवश्यकताअनुसार संसद विघटन गरेको भएतापनि सर्वोच्च अदालतले आफ्नै छुट्टै नियम बनाएर संसद विघटन बदर गरेको उनको तर्क छ ।

Leave a Reply

Your email address will not be published. Required fields are marked *